SW Bot
سياسة الخصوصية
آخر تحديث: 6 نوفمبر 2026 · صاحب الخدمة: وائل الصكوحي (Sakouhi Wael)، تونس
شنوّة هو SW Bot؟
تطبيق يعاون البيّاعة يجاوبو الكليانات متاعهم في الواتساب ببوت، وفيه كور وتدريب على البيع.
شنوّة نجمعو؟
- متاع الناس اللي يستعملو التطبيق: الإسم، اللقب، اسم المستخدم، وقتاش يدخلو، والأجزاء اللي يستعملوها.
- متاع الكليانات اللي يبعثو ميساج في الواتساب: النومرو، الإسم اللي في الواتساب، والميساجات، باش البوت يجاوب وصاحب البيج يشوف المحادثة.
علاش؟
باش البوت يجاوب، باش صاحب البيج يتابع الكليانات متاعو، وباش نحسّنو الخدمة ونحميوها. ما نبيعو حتى معلومة وما نستعملوهاش في الإشهار.
شكون يشوف المعلومات؟
- الميساجات متاع الكليانات يشوفها صاحب البيج اللي بعثولو برك.
- باش يجاوب، البوت يبعث نص الميساج لـ Google Gemini (خدمة ذكاء اصطناعي).
- المعلومات مخزّنة عند Cloudflare، والميساجات تتعدّى من Meta (WhatsApp).
قدّاش نخلّيوها؟
ما دام الكونت يخدم. كي الكونت يتفسخ، المعلومات والمحادثات متاعو يتفسخو.
الحقوق متاعك
حسب القانون الأساسي عدد 63 لسنة 2004 المتعلّق بحماية المعطيات الشخصية، عندك الحق تعرف شنوّة عندنا عليك، تصلّحو، ولا تطلب نفسخوه. ابعث «STOP» للبوت باش ما يجاوبكش، ولا اتّصل بينا.
اتّصل بينا
Instagram: @sakouhiwael
Privacy Policy (English summary)
SW Bot (operated by Sakouhi Wael, Tunisia) lets sellers answer their WhatsApp customers with an automated assistant and offers sales training.
We collect account data of app users (name, username, login times, feature usage) and, for WhatsApp customers who message a seller, their phone number, WhatsApp profile name and messages.
Data is used only to operate the service: generating replies (message text is sent to Google Gemini), showing conversations to the seller they wrote to, and keeping the service safe. We do not sell data or use it for advertising.
Data is stored on Cloudflare and messages pass through Meta's WhatsApp Business Platform. Data is kept while the account is active and deleted with it.
To access, correct or delete your data, send «STOP» to the bot or contact us on Instagram: @sakouhiwael.